Pune Metro Recruitment 2020

पुणे मेट्रोसाठी दोनशे पदे भरणार

Pune Metro Bharti 2020 : As per the latest news the Pune Metro Project will be recruiting the 200 vacancies for various posts. Various vacancies will be recruiting for the Positions for the operation of the metro, maintenance and maintenance posts etc., 85 posts will be filled for the operation of the metro and 110 for maintenance. The main emphasis is currently on completing the work of the station along the subway line in Pimpri. The work of Sant Tukaramnagar Metro station has been completed at 70 percent and the work of Fugewadi station has reached sixty percent. Since there are two trains currently on the same route, ‘Mahametro’ is trying hard to complete both these stations. Read the more details below on this page. Keep visit on our website for the further updates.

Pune Metro Bharti 2020  मेट्रोच्या संचलनासाठीची पदे, देखभाल-दुरुस्तीसाठीची पदे

पुणे मेट्रो प्रकल्पाच्या पिंपरी आणि पुण्यातील प्राधान्य मार्गाच्या संचलन आणि देखभाल-दुरुस्तीसाठी (ऑपरेशन अँड मेन्टेनन्स) १९५ पदे भरण्याचा निर्णय महाराष्ट्र मेट्रो रेल्वे कॉर्पोरेशनने (महामेट्रो) घेतला आहे. मेट्रो स्टेशन कंट्रोलर, ट्रेन ऑपरेटर यांपासून ते रूळ, सिग्नल आणि इतर यंत्रणांच्या देखभाल-दुरुस्तीच्या दृष्टीने मेट्रो कार्यान्वित होण्यापूर्वी ही पदे भरण्यात येणार आहेत. त्यामुळे पुणेकरांना मेट्रोतून सफर करण्यासह प्रत्यक्ष मेट्रोमध्ये काम करण्याची संधी उपलब्ध होणार आहे.

पिंपरीतील संत तुकारामनगर ते फुगेवाडी आणि पुण्यातील आनंदनगर ते गरवारे कॉलेज अशा शहरातील सुमारे १० किमीच्या मार्गावर पुढील काही महिन्यांत मेट्रो सेवा सुरू करण्याचे संकेत ‘महामेट्रो’ने दिले आहेत. ही सेवा सुरू करण्यापूर्वी पुणे मेट्रो प्रकल्पासाठी विविध स्वरूपातील पदे भरणे गरजेचे असून, ‘महामेट्रो’च्या संचालक मंडळाने नुकतीच त्याला मान्यता दिली आहे. मेट्रोच्या संचलनासाठी ८५, तर देखभाल-दुरुस्तीसाठी ११० पदे भरण्यात येणार आहेत. या संदर्भातील पुढील सर्व प्रक्रिया पूर्ण करण्याचे निर्देश संचालक मंडळाने व्यवस्थापकीय संचालकांना दिले आहेत.

मेट्रोच्या पहिल्या टप्प्यात दोन्ही मार्गांवर प्रत्येकी दोन स्टेशन कार्यान्वित केली जाणार आहेत. त्यामुळे मेट्रो संचलनाच्या वेळेत स्टेशनवरील विविध कामांसाठी पदभरती केली जाणार आहे. यामध्ये स्टेशन कंट्रोलर, स्टेशन मॅनेजर, ड्रायव्हर इन्स्ट्रक्टर, मनुष्यबळ, वित्त आणि भांडार यांसह ऑपरेशन अँड कमांड सेंटरसाठी (ओसीसी) पदांची भरती करण्यात येणार आहे. त्याशिवाय, प्रत्यक्ष मेट्रो ट्रेन चालविण्यासाठी १३ ट्रेन ऑपरेटरची नियुक्ती केली जाणार आहे. मेट्रोचे संचलन सुरू झाल्यानंतर रूळ, सिग्नल, कम्युनिकेशन, विद्युतप्रवाह अशा विभागांतर्गत देखभाल-दुरुस्तीसाठी स्वतंत्र मनुष्यबळाची गरज पडणार आहे. त्यादृष्टीने, देखभाल-दुरुस्तीकरिता ११० पदे भरण्यात येणार आहेत.

महिलांसाठी संधी

नागपूर मेट्रो कार्यान्वित झाली, त्या वेळी पहिल्यांदा ट्रेन चालविण्याची संधी महिलाचालक सुमेधा मेश्राम यांना मिळाली होती. नागपूर मेट्रोमध्ये इतरही विविध पदांवर महिलांची नियुक्ती करण्यात आली असून, पुण्याच्या मेट्रोसाठी सुरुवातीला मंजूर झालेल्या पदांमध्येही महिलांना संधी मिळेल, अशी अपेक्षा केली जात आहे.

स्टेशनच्या कामांवर भर

पिंपरीमध्ये मेट्रो मार्गिकेसह स्टेशनची कामे पूर्ण करण्याकडे सध्या सर्वाधिक भर देण्यात आला आहे. संत तुकारामनगर मेट्रो स्टेशनचे ७० टक्के काम पूर्ण झाले असून, फुगेवाडी स्टेशनचे काम साठ टक्क्यांपर्यंत पोहोचले आहे. याच मार्गावर सध्या दोन ट्रेन दाखल झाल्या असल्याने ही दोन्ही स्टेशन पूर्ण करण्यासाठी ‘महामेट्रो’कडून जोरदार प्रयत्न केले जात आहेत.

म. टा. प्रतिनिधी, पुणे