SSC CHSL 2019 Exam Candidate Can Change Their Exam Centre
कम्बाइंड हायर सेकंडरी लेव्हल परीक्षेसाठी उमेदवारांना परीक्षा केंद्रात बदल करता येणार आहे.
SSC मार्फत घेण्यात येणाऱ्या कम्बाइंड हायर सेकंडरी लेव्हल परीक्षेसाठी उमेदवारांना आता परीक्षा केंद्रात बदल करता येणार आहे. १८ सप्टेंबरपासून हा बदल करण्यासाठी संकेतस्थळावरील पर्याय खुला होणार आहे. उमेदवार स्टाफ सिलेक्शन कमिशनच्या अधिकृत संकेतस्थळावर ssc.nic.in वर जाऊन हा बदल करू शकणार आहेत.
परीक्षा केंद्रात बदल करण्याची अंतिम मुदत २० सप्टेंबर २०२० पर्यंत आहे. उमेदवार आपला नोंदणी क्रमांक आणि पासवर्ड देऊन लॉगइन करू शकतील आणि त्यानंतर परीक्षा केंद्र बदलता येईल.
यासंदर्भातील परिपत्रक जारी करण्यात आले आहे. त्यात असे म्हटले आहे की, ‘कम्बाइंड हायर सेकंडरी (१०+२) लेव्हल परीक्षा २०१९ साठी उमेदवार त्यांनी आधी निवडलेल्या परीक्षा केंद्रात बदल करू शकतील. यासाठी १८ सप्टेंबर ते २० सप्टेंबर २०२० या कालावधीत आपल्या रजिस्ट्रेशन नंबर आणि पासवर्डसह आयोगाच्या संकेतस्थळावर (http://ssc.nic.in) लॉगइन करावयाचे आहे. परीक्षा केंद्र बदलण्याचा पर्याय उमेदवारांच्या डॅशबोर्डवर ‘लेटेस्ट नोटिफकेशन्स’ या पर्यायावर उपलब्ध असेल. परीक्षा केंद्र बदलण्याची प्रक्रिया करण्यापूर्वी उमेदवारांनी सर्व सूचना काळजीपूर्वक वाचाव्यात.’
दरम्यान, कम्बाइंड हायर सेकंडरी (१०+२) लेव्हल परीक्षा २०१९ कधी आयोजित करण्यात येणार याबाबत स्टाफ सिलेक्शन कमिशन येत्या मंगळवारी २२ सप्टेंबर रोजी नोटिफिकेशन जारी करणार आहे. तशी माहिती आयोगाने संकेतस्थळावर दिली आहे.
स्टाफ सिलेक्शन कमिशनच्या संकेतस्थळावर जाण्यासाठी येथे क्लिक करा.
परीक्षा केंद्रातील बदलासंदर्भातील नोटिफिकेशन वाचण्यासाठी येथे क्लिक करा.
